الشبابيك
الحوائط شبابيك والجدران شبابيك والشبابيك حوائط والحال ذى ماهو...واللى مش عجبه يخش جوه
دونت فى ١٩٩٣
دونت فى ١٩٩٣
من مذكرات الرجل الاخضر
"الحرية هي ان لا نخجل"
نيتشه
19/6/89
احلى حاجة فى الدنيا الاحلام واحلى منها لو اتحققت ولو ما تحققتش يبقى حصلت على 50% من السعادة بتاعة الحلم.
19/6/89
احلى حاجة فى الدنيا النوم. بعد الهبل طبعا انا هاروح انام وأشخر لحد الصبح.
اصبح على خير .. ولا مش مهم اصبح ذى ماصبح كله محصل بعضه...... اشوف نفسى الصبح بقى فى المرايا سلام سلاح.
21/9/1989
مش عارف ايه اللى فى دماغى ده صداع عادى ولا ضغط واطى ولا ورم خبيث ولا ورم اهبل ولا تهيئات مش عارف فى كل الحالات دى . مافيش مشاكل لو تهيئات يبقى حصل خير وانتهى الموضوع ولو ورم خبيث يبقى انتهى الموضوع برضو .
21/9/1989
فى حاجات كثيرة قوى عايز اعملها سواء عشت كتير أو عشت قليل مش هالحق اعمل اى حاجة فيها لانها مابتقفش عند حد معين…. بتتكاثر بالانقسام الثنائى البسيط... واللهى ما انا عارف بسيط ولا مش بسيط.
21/9/89
حاسس ان ذاكرتى بتضعف ونظرى بيضعف وذكائى بيضعف وكل حاجة... واللهى ما انا عارف انا نازل فين، وايه اخرت المنحدر ده.
22/9/89
بحب اكتب قوى وطول النهار اجيب الورق والقلم ده عشان اكتب اى حاجة
يا عم الحاج أنا قاعد جوة من بدري مستنيك
ReplyDeleteولما لقيتك أتأخرت بعتلك بتاع الشماسي يناديك
عايز أقولك سر:
"أنا لقيت الفيل"
لا لا.... مش ف العلبة
طلع كان مستخبي تحت السرير
اخش جوه بنسى نفسي و لما بخرج بحس بالبرد
ReplyDeleteارجع اقعد جوه مني يدخل الكون اللي بره
يقولي جوه دافي يلاه تعالي يلاه..