سعيد
انت من النوبة ياعم سعيد؟
ياريت ده الجماعة النوبيين دول واصلين قوى داحنا عندنا واد عيان بعيد عنك وامه وابوه ماحلتهمش اللضا حفيوا عشان يعالجوا على نفقة الدولة منفعهمش غير واد نوبى عندنا من المنطقة بيشتغل عند واحد واصل من الناس المهمة، كل النوبين كده ياسواق عند وزير او طباخ عند حد مهم هو ده اللى بينفع .. تعرف يابشمهندس انا عندى سرطان الثدى، ده اللى بيجى للنسوان .. جالى، بيقولك مابيجيش للرجاله غير قليل قوي ام جالى انا.. نصيب
اخر مره كنت فى المستشفى باخد حقنة الكيماوي رحت ملقيتش الدوا.. المرة الاولانية، اصل دى تانى مرة اعالج بالكيماوى كان فى لواء دكتور كويس جداً بيعاملنى بمنتهي الاحترام مع ان المستشفى بتاعت المعادى دى للرتب الكبيرة بس كنت اخدلوا معايا اجنده او اتنين كده يكون واحد ابن حلال ذى سيادتك ادهالى، راجل كويس قوى ويحبنى جداً بس لم رجعلى تانى المرض المرة دى روحت مالقيتوش مالقيتش غير شوية عيال زباله بيقعدو يبيعوا و يشتروا فيا كل مره اروح يقولى الدواء بتاعك مش موجود ابقي اتكلم قبل ماتيجي تعالي بكرة .. قمت مزعق و معلى صوتى مانا تعبت واللهى قام واد منهم قاللى بقولك ايه انت مش مفروض تتعالج هنا المستشفى دى للرتب، قمت قاطع نفس وساكت. واهو جبتلوا اجنده يمكن ربنا يهديه عليه.. انت عارف اخر مرة بقول للواد ابني ذاكر عشان ربنا يكرمك قام قالى ايه قالي محصلة بعضيها تصور لما واد لسة لاشاف ولاعاش ولا ابتدا حياته اصلاً يقولك محصله بعضيها زعلت قوى حاجة تزعل صحيح .. اخته بقى اجدع منه مية مرة مخلصة السن وبتدرس المانى فى المعهد بتاع وسط البلد اللى اسمه جوته ولا معرفش اسمه ايه المهم جلها منحة شهر فى المانيا البت اللى هناك مش عجبها قعدت تغلس عليها في الرايحة والجاية اصل البت دعاء بنتى محجبة فالتانية بقي ترخم عليها وتقلها وانتى عايزة تروحى المانيا لوحدك تعملى ايه وابوكى موافق وابصر ايه بت كلب . والبت بنتى تروح كل مره هارية نفسها من العياط وانا بقولها متسبيش حقك اهو نلحق لنا احنا كمان اى حاجة من البلد دية.. بس واللهي يابشمهندس بت جدعة قوي بميت راجل من يوم ماامها ماتت ماشافتش يوم عدل قايمة بى انا واخواتها من اكل وشرب وغسيل متكفلة بينا من كله .. امها سبتنا كده من غير سبب ولا مقدمات تعبت يومين وهى الله يرحمها عمرها ماشتكت سبتها يوم الصبح نايمة تعبانة على ماوصلت شغلى فى مدينة نصر لقيتهم سايبين لى خبر فى الشغل انها تعبانة خدت بعضى ورجعت جرى بس ملحقتهاش كانت ماتت الدكاترة قالوا كان عندها حاجة فى الكبد الله يرحمها كانت جدعه رخرة قوى.
ياريت ده الجماعة النوبيين دول واصلين قوى داحنا عندنا واد عيان بعيد عنك وامه وابوه ماحلتهمش اللضا حفيوا عشان يعالجوا على نفقة الدولة منفعهمش غير واد نوبى عندنا من المنطقة بيشتغل عند واحد واصل من الناس المهمة، كل النوبين كده ياسواق عند وزير او طباخ عند حد مهم هو ده اللى بينفع .. تعرف يابشمهندس انا عندى سرطان الثدى، ده اللى بيجى للنسوان .. جالى، بيقولك مابيجيش للرجاله غير قليل قوي ام جالى انا.. نصيب
اخر مره كنت فى المستشفى باخد حقنة الكيماوي رحت ملقيتش الدوا.. المرة الاولانية، اصل دى تانى مرة اعالج بالكيماوى كان فى لواء دكتور كويس جداً بيعاملنى بمنتهي الاحترام مع ان المستشفى بتاعت المعادى دى للرتب الكبيرة بس كنت اخدلوا معايا اجنده او اتنين كده يكون واحد ابن حلال ذى سيادتك ادهالى، راجل كويس قوى ويحبنى جداً بس لم رجعلى تانى المرض المرة دى روحت مالقيتوش مالقيتش غير شوية عيال زباله بيقعدو يبيعوا و يشتروا فيا كل مره اروح يقولى الدواء بتاعك مش موجود ابقي اتكلم قبل ماتيجي تعالي بكرة .. قمت مزعق و معلى صوتى مانا تعبت واللهى قام واد منهم قاللى بقولك ايه انت مش مفروض تتعالج هنا المستشفى دى للرتب، قمت قاطع نفس وساكت. واهو جبتلوا اجنده يمكن ربنا يهديه عليه.. انت عارف اخر مرة بقول للواد ابني ذاكر عشان ربنا يكرمك قام قالى ايه قالي محصلة بعضيها تصور لما واد لسة لاشاف ولاعاش ولا ابتدا حياته اصلاً يقولك محصله بعضيها زعلت قوى حاجة تزعل صحيح .. اخته بقى اجدع منه مية مرة مخلصة السن وبتدرس المانى فى المعهد بتاع وسط البلد اللى اسمه جوته ولا معرفش اسمه ايه المهم جلها منحة شهر فى المانيا البت اللى هناك مش عجبها قعدت تغلس عليها في الرايحة والجاية اصل البت دعاء بنتى محجبة فالتانية بقي ترخم عليها وتقلها وانتى عايزة تروحى المانيا لوحدك تعملى ايه وابوكى موافق وابصر ايه بت كلب . والبت بنتى تروح كل مره هارية نفسها من العياط وانا بقولها متسبيش حقك اهو نلحق لنا احنا كمان اى حاجة من البلد دية.. بس واللهي يابشمهندس بت جدعة قوي بميت راجل من يوم ماامها ماتت ماشافتش يوم عدل قايمة بى انا واخواتها من اكل وشرب وغسيل متكفلة بينا من كله .. امها سبتنا كده من غير سبب ولا مقدمات تعبت يومين وهى الله يرحمها عمرها ماشتكت سبتها يوم الصبح نايمة تعبانة على ماوصلت شغلى فى مدينة نصر لقيتهم سايبين لى خبر فى الشغل انها تعبانة خدت بعضى ورجعت جرى بس ملحقتهاش كانت ماتت الدكاترة قالوا كان عندها حاجة فى الكبد الله يرحمها كانت جدعه رخرة قوى.
تشرب قهوه يابشمهندس عندنا بن غامق انا اللى جايبه من عبد المعبود اللي فى باب اللوق بقف انا بنفسى على ايده واخد كميه وارجع بتاكسى مقدرش اجى بالبن ده فى الاتوبيس هيكرف من ريحة العرق الوسخ بتاعت العالم الغجر اللي شبهنا .....انت ساكت ليه
دونت فى٢٠١٠
والكلام دا يا دكتور يترد عليه بإيه؟ غششني يا حاج
ReplyDeleteولا ترد ولا حاجات يا دكتور ناجي .... الناس مش لاقية تاكل ولا تلبس والمرض بياكل في جتتهم واحنا بنتكلم ونقول السرقة حرام ...... 40% تحت خط الفقر ..... شوف كام واحد عنده سرطان ... كام واحد كبده بتفشخ كل يوم من المية وال اكل .... المهم سيبك أنت الخواجة شرب قهوة من بن مش كارف عرق ... يابختك يا خواجة .
ReplyDeleteناس عايشة
ReplyDelete